• Versione
• Download 67
• Dimensioni file 806 KB
• Conteggio file 1
• Data di creazione 10 Giugno 2023
• Ultimo aggiornamento 10 Giugno 2023

LAUDA, SION SALVATOREM (sequenza, graduale triplex)

Versione tratta dal Graduale Triplex, Solesmes (1979).

Antifona di offertorio tratta dal libro di Tobia (cf. Tb 12, 6) con il seguente testo:

Lauda, Sion Salvatórem,
lauda ducem et pastórem
in hymnis et cánticis.

Sit laus plena, sit sonóra,
sit iucúnda, sit decóra
mentis iubilátio.

In hac mensa novi Regis,
novum Pascha novæ legis
Phase vetus términat.

 Vetustátem nóvitas,
umbram fugat véritas,
noctem lux elíminat.

 Quod in cena Christus gessit,
faciéndum hoc expréssit
in sui memóriam.

 Docti sacris institútis,
panem, vinum, in salútis
consecrámus hóstiam.

 Dogma datur Christiánis,
quod in carnem transit panis,
et vinum in sánguinem.

 Quod non capis, quod non vides,
animósa firmat fides,
præter rerum órdinem.

 Sub divérsis speciébus,
signis tantum, et non rebus,
latent res exímiæ.

 Caro cbus, sanguis potus:
manet tamen Christus totus,
sub utráque spécie.

 A suménte non concísus,
non confráctus, non divísus:
ínteger accípitur.

 Sumit unus, sumunt mille:
quantum isti, tantum ille:
nec sumptus consúmitur.

 Sumunt boni, sumunt mali:
sorte tamen inæquáli,
vitæ vel intéritus.

 Mors est malis, vita bonis:
vide paris sumptiónis
quam sit dispar éxitus.

 Fracto demum sacraménto,
ne vacílles, sed memento,
tantum esse sub fragménto,
quantum toto tégitur.

 Nulla rei fit scissúra:
signi tantum fit fractúra:
qua nec status nec statúra
signáti minúitur.

Ecce panis Angelórum,
factus cibus viatórum:
vere panis fíliórum,
non mitténdus cánibus.

In figúris præsignátur,
cum Isaac immolátur:
agnus paschæ deputátur:
datur manna pátribus.

Bone Pastor, panis vere,
Iesu, nostri miserére:
tu nos pasce, nos tuére:
tu nos bona fac vidére
in terra vivéntium.

Tu, qui cuncta scis et vales:
qui nos pascis hic mortales:
tuos ibi commensáles,
coherédes et sodales
fac sanctórum cívium.